صحيح ماقاله مفرح وجابه




 
الرئيسيةاليوميةس .و .جبحـثالأعضاءالمجموعاتالمعرضاعمالنا المجانيهالتسجيلدخول

شاطر | 
 

 صحيح ماقاله مفرح وجابه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
الاداره العامه
الاداره العامه
avatar

عدد المساهمات : 225
تاريخ التسجيل : 11/07/2015

مُساهمةموضوع: صحيح ماقاله مفرح وجابه    الأربعاء يوليو 22, 2015 12:03 pm

صحيح ماقاله مفرح وجابه = ببيوته اللي بالجواهر مراصيع
ابيوته اللي لو عليها رقابه =ريسانها مثل الزبيدي مصاليع
فيها الصويب اللي مدمدم صوابه = وفيها جميل الفعل لو طال مايضيع
والطيب ضلعٍ يتعب اللي رقابه= الا الرجال اهل السيوف القواطيع
اللي تموت ولا تعرف المهابه= لاصيحن بيض البنات المفاريع
يوم الرجل كلن يحسب حسابه =قوة خبط يمناه تترك مواقيع
واللاش جاء وان راح محدٍ درابه= واللي على خبري وخبره صوانيع
والاجودي تلقاه مفتوح بابه= والعفن تاشر له جميع الاصابيع
هذا زمانن راح واعلن غيابه==خلى عيون اهل الشوارب مداميع
واليوم غير المال ماينحكابه= واللاش يامر ذايع الصيت ويطيع
ولافيه مع ماضي الزمن مايتشابه = حيث البحر صارت عليه المشاريع
ومنهو يبي يعتاش يجلب دوابه= يبيعها بالي تبي تجيبه يبيع
وراعي الفلوس ..( اقلط يامال الرحابه) =معزز مكرم لك الكل سميع
لو كان جده ماترفع جنابه= الاصل هافي .. تيه .. وقطع تجميع
وخربوش بيته لو تمسَمس طنابه =كود يتقطع مع جوانبه تقطيع
المال شاله فوق متن السحابه= وسواه شيخٍ تعتمد له تواقيع
واللي تفاخر بالنسب والقرابه=وشيخة على ماقيل مهي هرج تصنيع
امسى يحل المعضله والنشابه= واليوم مايقرع ابوابه قواريع
وشعاد لو عرقه بعرق الصحابه = من دون مال ولا وراه المنافيع
ماينفعه لو فوق راسه عصابه= ينفعه كنز في ودايعه توديع
بالمال يصبح شيخ ويجيب لابه= وبالوسط يتربع على طول تربيع


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ps-style.ace.st
 
صحيح ماقاله مفرح وجابه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شركة بي-اس استايل :: الاقسام المنوعه :: منتدى الحوار العام-
انتقل الى:  

photoshop